Us herremenieke besteit oet 40 luij boevaan d'r 27 mèziek maake. De aandere huure debeij umdat ut de maan, vrow, vrund of vriendin is vaan eine muzikant. Veer zien "geboore" oppe dinsdagmiddag mèt vastelaovend um un oor of twie in Aux Arcades in 1974. De aonleijing heijvaan gaon iech uuch vertèlle. In deen tied wèrkde beij de posterijen aon de stasie, in Mèstreech, unne grop dames die ut oetsorteren vaan de pos verzörregde. Dat waos eedere aovend vaan de week. Noe koum in 1974 de vastelaovund aon en dao kraog iemes vaan de dames ut idee um mèt vastelaovund saame oet te goon. Noe moot geer weete dat zoe good es eederein klein kinder had, dus woort aofgesprooke um oppe dinsdagmiddag oet te goon en ès ieme un instrumint had woort gevraog um dat mèt te numme.